ਪਾਣੀ ਪੀਣ ਤੋਂ ਬਿਹਤਰ ਹੈ ਕਿ ਤੁਸੀਂ ਪਾਣੀ ਖਾਓ

2016_5image_10_58_198784897pnni-ll

ਸਿਹਤ ਵਿਸ਼ੇਸ਼ਕਾਂ ਦਾ ਮੰਨਣਾ ਹੈ ਕਿ ਪਾਣੀ ਪੀਣ ਤੋਂ ਕਿਤੇ ਵਧੀਆ ਹੈ ਕਿ ਅਸੀਂ ਪਾਣੀ ਖਾਈਏ। ਉਨ੍ਹਾਂ ਮੁਤਾਬਕ ਪਾਣੀ ਪੀਣ ਤੋਂ ਕਿਤੇ ਜ਼ਿਆਦਾ ਚੰਗਾ ਹੋਵੇਗਾ ਕਿ ਅਸੀਂ ਪਾਣੀ ਨਾਲ ਭਰਪੂਰ ਜ਼ਿਆਦਾ ਤੋਂ ਜ਼ਿਆਦਾ ਚੀਜ਼ਾਂ ਖਾਈਏ। ਉਨ੍ਹਾਂ ਦੀ ਮੰਨੀਏ ਤਾਂ ਜਦ ਅਸੀਂ ਪਾਣੀ ਪੀਂਦੇ ਹਾਂ ਤਾਂ ਉਹ ਸਿੱਧੇ ਸਾਡੇ ਪਾਚਨ ਤੰਤਰ ‘ਚੋਂ ਹੋ ਕੇ ਲੰਘਦਾ ਹੈ ਜਿਸ ਨਾਲ ਸਰੀਰ ਨੂੰ ਵਿਟਾਮਿਨ ਅਤੇ ਲਵਣਾਂ ਦਾ ਬਹੁਤ ਜ਼ਿਆਦਾ ਪੋਸ਼ਣ ਨਹੀਂ ਮਿਲ ਪਾਉਂਦਾ ਪਰ ਜਦੋਂ ਅਸੀਂ ਪਾਣੀ ਨਾਲ ਭਰਪੂਰ ਚੀਜ਼ਾਂ ਖਾਂਦੇ ਹਾਂ ਤਾਂ ਸਾਡੀਆਂ ਕੋਸ਼ਿਕਾਵਾਂ ਨੂੰ ਵਿਟਾਮਿਨ ਅਤੇ ਲਵਣਾਂ ਦਾ ਪੋਸ਼ਣ ਭਰਪੂਰ ਮਾਤਰਾ ‘ਚ ਮਿਲ ਜਾਂਦਾ ਹੈ। ਹੈਲਦੀ ਹਾਈਡ੍ਰੇਸ਼ਨ ਤੋਂ ਮਤਲਬ ਉਸ ਪਾਣੀ ਤੋਂ ਹੈ ਜੋ ਸਾਡੇ ਸਰੀਰ ‘ਚ ਜਮਾ ਰਹਿੰਦਾ ਹੈ ਨਾ ਕਿ ਉਹ ਪਾਣੀ ਅਸੀਂ ਪੀਂਦੇ ਹਾਂ ਅਤੇ ਉਹ ਸਿੱਧੇ ਸਰੀਰ ਤੋਂ ਬਾਹਰ ਨਿਕਲ ਜਾਂਦਾ ਹੈ। ਹੋਵਰਡ ਯੂਨੀਵਰਸਿਟੀ ਆਫ ਕੈਲਫੋਰਨੀਆ ਦੇ ਡਾਕਟਰ ਮੁਰਦ ਮੁਤਾਬਕ ਖਾਣੇ ਦੀ ਅਜਿਹੀਆਂ ਚੀਜ਼ਾਂ ਜਿਸ ‘ਚ ਪਾਣੀ ਦੀ ਬਹੁਤ ਜ਼ਿਆਦਾ ਮਾਤਰਾ ਹੁੰਦੀ ਹੈ, ਉਸ ‘ਚ ਕੁਝ ਕਣ ਪਾਏ ਜਾਂਦੇ ਹਨ ਜੋ ਆਸਾਨੀ ਨਾਲ ਕੋਸ਼ਿਕਾਵਾਂ ਵਲੋਂ ਲੀਨ ਕਰ ਲਏ ਜਾਂਦੇ ਹਨ। ਇਹ ਕਣ ਇਕ ਲੰਬੇ ਸਮੇਂ ਤੱਕ ਸਾਡੇ ਸਰੀਰ ‘ਚ ਮੌਜੂਦ ਰਹਿੰਦੇ ਹਨ ਜਿਸ ਨਾਲ ਲੰਬੇ ਸਮੇਂ ਤੱਕ ਪੋਸ਼ਣ ਬਣਿਆ ਰਹਿੰਦਾ ਹੈ। ਇਸ ਦੇ ਨਾਲ ਜਦੋਂ ਅਸੀਂ ਖਾਂਦੇ ਹਾਂ ਤਾਂ ਸਾਡੇ ਸਰੀਰ ‘ਚ ਪਾਣੀ ਹੌਲੀ-ਹੌਲੀ ਕਰਕੇ ਜਾਂਦਾ ਹੈ ਜੋ ਸਿੱਧੇ ਪਾਣੀ ਪੀਣ ਤੋਂ ਕਿਤੇ ਵਧੀਆ ਰਹਿੰਦਾ ਹੈ। ਪਾਣੀ ਦਾ ਅਵਸ਼ੇਸ਼ਣ ਜਿੰਨਾ ਹੌਲੀ ਹੋਵੇਗਾ, ਓਨੇ ਹੀ ਲੰਬੇ ਸਮੇਂ ਤੱਕ ਉਹ ਸਾਡੇ ਸਰੀਰ ‘ਚ ਬਣਿਆ ਰਹਿੰਦਾ ਹੈ ਜੋ ਕਿ ਸਿਹਤ ਦੇ ਲਈ ਹਰ ਲਿਹਾਜ਼ ਨਾਲ ਚੰਗਾ ਹੈ। ਦਿਨ ਭਰ ‘ਚ ਅਸੀਂ ਜੋ ਪਾਣੀ ਪੀਂਦੇ ਹਾਂ ਉਸ ਦਾ ਇਕ-ਚੌਥਾਈ ਹਿੱਸਾ ਖਾਣੇ ਦੀਆਂ ਚੀਜ਼ਾਂ ‘ਚ ਆਉਂਦਾ ਹੈ। ਹਾਲਾਂਕਿ ਹਰ ਖਾਣੇ ‘ਚ ਕੁਝ ਨਾ ਕੁਝ ਮਾਤਰਾ ‘ਚ ਪਾਣੀ ਮੌਜੂਦ ਰਹਿੰਦਾ ਹੈ ਪਰ ਜ਼ਰੂਰੀ ਹੈ ਕਿ ਤੁਸੀਂ ਉਨ੍ਹਾਂ ਚੀਜ਼ਾਂ ਨੂੰ ਡਾਈਟ ‘ਚ ਸ਼ਾਮਲ ਕਰੋ ਜਿਸ ‘ਚ ਪਾਣੀ ਦੀ ਜ਼ਿਆਦਾ ਮਾਤਰਾ ਹੋਵੇ। ਫਲਾਂ ਅਤੇ ਸਬਜ਼ੀਆਂ ‘ਚ ਪਾਣੀ ਦੀ ਸਭ ਤੋਂ ਜ਼ਿਆਦਾ ਮਾਤਰਾ ਹੁੰਦੀ ਹੈ। ਫਲਾਂ ਅਤੇ ਸਬਜ਼ੀਆਂ ‘ਚ ਇੰਨਾ ਪਾਣੀ ਹੁੰਦਾ ਹੈ ਕਿ ਉਸ ਦੀ ਵਰਤੋਂ ਕਰਨ ਨਾਲ ਇਕ ਗਿਲਾਸ ਪਾਣੀ ਪੀਣ ਜਿੰਨਾ ਫਾਇਦਾ ਹੁੰਦਾ ਹੈ।

ਨੇ ਆਪਣੀ ਗੱਲ ਸ਼ੇਅਰ ਕੀਤੀ ।